İlklər sözünü işlədən bəzi gənclərə tövsiyyə

Bəzən gənclərimiz nə isə hazırlayanda İLK sözünü tez-tez işlətməyi sevirlər. Ancaq təklif edərdim ki, yaratdığınız məhsulun öncə tarixini də bir az araşdırasınız. Həqiqətən də ilk olsa əhsən sizlərə. Ancaq illər öncə yaradılan bir məhsula uyğun, təkrar bənzərini yaradırsınızsa o zaman lütfən “ilk” sözünü işlətməyəsiniz. Bu ən azı təcrübəsizlikdən və araşdırma qabiliyyətinin zəifliyindən irəli gəlir. 
Gənclərimiz yeni Təhsil Portalı yaradıblar. Və bunu Azərbaycanda ilk iş kimiolduğunu 1 yaşını qeyd etdiklərini yazırlar. Mən də təbrik edirəm. Növbəti bir təhsil portalı yaratmısınız əhsən sizə. Təbriklər! Ancaq bu yaratdığınız, 1 yaşını qeyd etdiyiniz “Azedu.az” ilk deyil, növbətidir. Siz gənclərin yaratdığı ilk iş ola bilər.
Məlumat üçün bildirim ki, Azərbaycanda ilk böyük təhsil portalı Kurikulum.az olubdur (2008-ci ildən yaradılmışdır- vebmasteri -saytı hazırlayan şəxs olmuşam). Çox təhsil işçiləri bu saytdan yararlanıblar. Bunu təsdiqləyənlərin sayı çox olar zənnimcə. Həmin ərəfələrdə də çox sayda dövlət və şəxsi təhsil portalları, bloq və saytları olubdur. Təkrar deyim ki, Komandanızla birlikdə yaratdığınız ilk işi ola bilər. Ancaq bu o demək deyil ki, Azərbaycanda ilkdir. Azərbaycanın uğurlu təhsil siyasətini lap 1 yaşlı edib, körpələşdirməyək. Yanlış məlumat xarici ölkələrdəki statistik məlumatlar üçün səhv mənbəyə çevrilə bilər. İlk deyil, davamlı gələn yeni portal desəniz daha məntiqə uyğun və doğru olardı. 
2013-cü ildən də Dərslik portalı yaradılıbdır. Xahiş edirəm ilk sözünü işlətməyək.

2013-cü ildə də Dərslik portalının təqdimatı keçirilmişdir https://azertag.az/xeber/Derslik_portalinin_teqdimati_kechirilmisdir-46243


https://azertag.az/xeber/KURIKULUM_PORTALINDA_MUALLIMLAR_UCHUN_RESURSLAR_YERLASDIRILMISDIR-494912

Oxunma sayı: 897

Əlavə yük yox, faydalı layihə ola biləcək mədəni normativlər

Yay və qış məktəblərinin geniş şəkildə təşkili şagirdləri virtual aləmdən real aləmə qaytara bilər

Əməkdar müəllim Almaz Həsrət

“Yeni mədəni normativlər”in  dərs proqramına daxil edilməsi məktəblilərin virtual aləmə çox aludə olmamasına, dünyagörüşlərinin genişlənməsinə kömək edəcək. Rusiya məktəbləri üçün təklif olunan proqram hələ hazırlanma ərəfəsindədir. Belə ki, ölkənin mədəniyyət naziri Vladimir Medinskiy mədəni normativlərin yeni növünün məktəblərə tətbiqinin mümkünlüyünü vacib hesab edir. Rusiyanın Təhsil və Elm Nazirliyi ilə birlikdə hazırlanan layihə “Məktəbli üçün mədəni normativlər” adlanacaq. Layihə çərçivəsində məktəblilərə sərgiləri, muzeyləri gəzmək, tamaşalara baxmaq, yerli filmləri izləmək lazım gələcək.  Sonra isə onlar öz təəssüratlarını kağız və ya elektron qaydada xüsusi hazırlanmış gündəliklərdə bölüşəcəklər. Məktəblilərin dünyagörüşünün genişlənməsinə, onların ünsiyyətinin artmasına, virtual aləmdən ayrılmalarına hesablanan layihənin bizdə də tətbiqinə ehtiyac var. Ekspert və müəllimlər bu baxımdan belə bir layihəni bizim tədris prosesi üçün də məqbul sayırlar. Bununla belə, layihənin dərs proqramına daxil edilməsi əlavə yük də hesab edilir. 

 Şagirdlərin inkişafında müsbət hal «Mən belə bir layihənin Azərbaycanda da tətbiq olunmasını alqışlayaram» – deyən Əməkdar müəllim Almaz Həsrətin sözlərinə görə, hazırkı kurikulum proqramında standartlardan biri «Oxuyub anlamaq» və «Oxuyub anladığını izah edib danışmaq» bacarıqlarının formalaşdırılmasıdır. Bu standartların formalaşdırılması üçün orta məktəbdə görülən işlərlə bağlı öz təcrübəsindən danışan müəllimin sözlərinə görə, hələ kurikuluma keçməzdən öncə – 2007-2008-ci illərdə Rusiya tərəfindən həyata keçirilən internet şəbəkəsi layihəsinə qoşulub: “Bu layihəyə Pribaltika respublikaları, Türkiyə və s. ölkələrin məktəbləri qatılmışdı. Hər şagird onlayn olaraq öz yaşadığı ölkədə flora və faunanı öyrənir, zooparklara, muzeylərə gedirdi. Sonra özləri telefonla video çəkib onun izahatını verir, gördüklərini şifahi nitq vasitəsi ilə izah edirdilər. Şagirdlər Qobustanda gördüklərini inşa şəklində yazmışdılar. Dərslərin keçirilməsində İKT avadanlığının, xüsusilə də telefondan doğru və gərəkli yerdə istifadəni də öyrənirdilər. Onlar ağac və güllərin şəklini çəkib xüsusi proqramlarda maraqlı video-kollajlar düzəldirdilər. Həmin videolar hazırda internetdə yerləşdirilib. Biz o materialları «Qobustan – açıq səma altında muzey» kimi təqdim etmişdik. Ümumi rəylər nəticəsində Azərbaycanın komandası – Əhmədlidə yerləşən 204 saylı məktəbin şagirdləri qalib elan olundu. Bu, çox gözəl bir təcrübə idi. Bir var oxuyasan, bir də var gəzib-görüb baxasan. Bu layihə uğurlu sonluqla bitdi. Hər ölkədən hazırlanan videosüjetləri şagirdlərimiz rus və ingiliscə “Vikipediya”da yerləşdirdilər. Bunun çox müsbət tərəfləri var”. Ekspert hesab edir ki, muzeyləri gəzmək, sərgiləri izləmək, filmlərə baxmaqla şagirdlərin hər birinin özlərinin qavrayacağı tərzdə təəssüratlarını kağıza köçürmələri, onların inkişafı yönündə  müsbət haldır: “Bu, həm onların dünyagörüşünü artırır, həm də virtual aləmdə mədəni paylaşıma səbəbkar olurlar. Biz informasiya cəmiyyətində yaşayırıq. Şagirdlərin hər birinin,  gördüyü hər hansı bir mənzərəni öz baxışı ilə qeyd etməsi digərləri tərəfindən də oxunur. Yəni şagirdin beyin məhsulunun təkcə öz sinfi daxilində deyil, məktəbdənkənar, qonşu ölkələrin də məktəbliləri tərəfindən görünməsi piar şəklində yayılır. Bu o deməkdir ki, hər şagird öz ölkəsinin hələ şagirdi ikən kiçik səfir statusunu qazanır». A.Həsrətin sözlərinə görə, bu proqram 10 ildən çoxdur ki, Rusiyada layihə şəklində həyata keçirilir. Heç şübhəsiz, layihənin şagirdlərin özündə, tədrisdə, öyrənmədə, ötürmədə və informasiya mədəniyyətinin formalaşdırılmasında müsbət nəticəsini görüb, artıq bunu öz proqramlarına daxil etməyi düşünürlər: “Mən də öz təcrübəmlə həyata keçirdiyim layihənin müsbət nəticəsini gördüyüm üçün belə bir proqramın bizim tədrisə də daxil edilməsini istərdim. Düzdür, bəzi bənzər dərslər var: məsələn, coğrafiya, fizika, tarix və s. fənn müəllimləri var ki, şagirdləri ekskursiyaya aparırlar. Bəzi yaradıcı müəllimlər də var ki, daim öz dərs prosesində bu üsuldan istifadə edirlər. Onlar getdikləri yerdən qayıdarkən şagirdlərə, gördüklərini inşa və ya esse şəklində yazmağı tapşırırlar. Bu üsulun müsbəti təsiri var. Bu, həm şagirdlərin dünyagörüşünün artmasına, həm daha önəmli məqamlara diqqət yetirmələrinə köməklik göstərir, həm də gördüklərini dilə gətirməklə, dil və yazı qabiliyyətlərinin formalaşmasına köməklik göstərir. Digər tərəfdən, şagirdlər bunu virtual aləmə ötürürlərsə, onlarda informasiya mədəniyyəti formalaşır».    
Əlbəttə, şagirdlərin dünyagörüşlərinin genişlənməsi üçün bizim təhsil sferasında da müəyyən addımlar atılır. Göründüyü kimi, bunu ekspertlər də təsdiqləyir. Mədəni normativlərdən ibarət proqramın tədrisə daxil edilməsinin daha böyük faydasının olması isə istisna deyil. Ən azı, bu sferada başqa dövlətlərin təcrübəsini mənimsəməkdə də fayda var. Dərs prosesinə əlavə yük olsa belə…  Təranə Məhərrəmova

Mənbə: http://kaspi.az/az/elave-yuk-yox-faydali-layihe-ola-bilecek-medeni-normativler/?fbclid=IwAR2PwVw4oAt5yy4t7-jhgkmgsoEjE7OMcHdPiHN7lOpmU6_FkxF394Z5nSo

Oxunma sayı: 876

“Şərq” qəzetinə açıqlamam

Əməkdar müəllim Almaz Həsrət də 8-ci sinif şagirdi İdrisin bu hərəkətini alqışladı və xəbərdən çox məmnun olduğunu dedi:
– Xoş xəbər eşidəndə insanın üzü gülür, əhvalı dəyişir, müsbət enerji ilə əhatələnir. Həqiqətən də belə bir xəbər eşitmək məni çox sevindirdi. İdrisin hərəkəti respublika səviyyəsində təqdir olunmalıdır. Bütün məktəblərdə onun hərəkəti barədə danışılmalı, örnək göstərilməlidir. Qoy məktəblilər bilsin ki, belə həmyaşıdları var. Ucqar bölgələrdə belə təmiz, saf, halal övladlarımız böyüyür. İdrisin bu hərəkəti bir daha təsdiq etdi ki, xalqımız halallığı sevir, bizim xalqda əliəyrilik yoxdur. O uşağın təmizliyi, düzgünlüyü, gözütoxluğu hamıya nümunə olmalıdır. Ardı »Oxunma sayı: 1466

“Moderator.az”-a açıqlamam: Yeni təhsil nazirindən gözləntilər

Almaz Həsrət

Aprelin 23-də prezident İlham Əliyevin imzaladığı sərəncama əsasən Ceyhun Əziz oğlu Bayramov Azərbaycan Respublikasının təhsil naziri təyin edilib.
Təhsil eksperti Almaz Həsrət də yeni təyinatla bağlı fikirlərini, yeni nazirdən gözləntilərini açıqlayıb:
“1999-cu ilin mart ayında, Ümumilli liderimiz Heydər Əliyev təhsil sahəsində islahatlar haqqında deyirdi ki, təhsil elə bir sistemdir ki, burada heç bir inqilabi dəyişiklik ola bilməz. Təkamül yolu ilə dəyişikliklər olmalıdır. Ardı »Oxunma sayı: 1322

Kaspi qəzetinə açıqlamam

Almaz Həsrət

“Müəllimlər kitaba qarşı sevgini özlərindən uşaqlara keçirməlidirlər”
Təhsil eksperti, əməkdar müəllim Almaz Həsrət də kitaba sevginin ailədən başladığını bildirdi: “Uşaq vaxtı bizə kitabı oxumağı deməyiblər. Çünki gözümüzü açandan evdə rəflərimizdə çoxlu kitablar varıydı. Görürdük ki, ana-atamız oxuyur, əllərindən kitab düşmür, bizim də marağımız artırdı. Sonra mütaliə edərkən, digərlərinə nisbətən daha yaxşı ünsiyyət bacarıqlarımızın formalaşdığını görəndə deyirdik ki, qoy mən filan kitabı da oxuyumBu gün internet əsridir və uşaqlarımızın çoxu internetə bağlanıblar. Hansısa evdə rəflərdə kitab varsa, böyüklər kitab oxuyurlarsa, o evdə kiçiklərin də kitaba marağı formalaşacaq”.

A.Həsrət deyir ki, orta məktəbdə müəllimlər uşaqlara kitaba qarşı sevgini özlərindən keçirməlidirlər: “Bəzən müəllimlər ancaq dərslikdəkiləri öyrənməyi tapşırır, əlavə kitaba vaxt ayırmamağı deyirlər. Amma müəllim desə ki, filan bir əsər var, orda keçdiyimiz mövzuya uyğun hansısa məqamlara toxunulub. Ardı »Oxunma sayı: 1744

Kaspi qəzetinə açıqlamam: Qəbul qaydalarında ediləcək dəyişikliklər

Almaz Həsrət

Ekspertlər də, valideynlər də, şagirdlər də razıdır

Həyatımız demək olar ki, doğulandan ölənə qədər imtahanlarla keçir. Hər yaş dövrünün öz imtahanı olur. Amma qəbul imtahanın yeri tamam başqadır. Çünki bu imtahanın nəticələri yeni həyata başlanğıc kimi qəbul edilir. Son dövrlər təhsilə olan qayğının nəticəsində təhsil sistemində bir sıra dəyişikliklər edilir.

Belə ki, Dövlət İmtahan Mərkəzində Direktorlar Şurasının sədri Məleykə Abbaszadə, DİM-in digər məsul işçiləri ilə təhsil nazirinin müavini Ceyhun Bayramovun başçılıq etdiyi nümayəndə heyəti arasında görüş keçirilib.  Görüşdə 2019-cu ildə tətbiqi nəzərdə tutulan tam (11 illik) orta təhsil səviyyəsi üzrə buraxılış imtahanlarının, ali və orta ixtisas təhsili müəssisələrinə qəbul imtahanlarının yeni modelinin yekun müzakirəsi keçirilib və ümumi razılıq əldə edilib. Ardı »Oxunma sayı: 1381

Şərq qəzetinə açıqlamam: Təhsil müəssisələri mediaya açıq olmalıdır.

Almaz Həsrət

Əməkdar müəllim Almaz Həsrət: “Bəzən təhsil müəssisələrində baş vermiş hər hansı bir hadisə barədə ilk olaraq sosial şəbəkələrdən məlumat alırıq. Amma baxırsan ki, nə təkzib gəldi, nə təsdiq”.

“Orta məktəblərdə mətbuat xidmətlərinin qurulması təhsilimizin müsbət istiqamətdə inkişafının təminində böyük rol oynaya bilər”

Yeni tədris ili başlayır və mətbuatla təhsil müəssisələrinin çəkişmələrinə yenə şahidlik edəcəyik. Problemi yaradansa təhsil müəssisələrinin mətbuata açıq olmamasıdır. Hansısa təhsil müəssisəsində adidən kənar bir hadisə baş verdikdə bunu ilk tirajlayan sosial şəbəkələr olur. Ardı »Oxunma sayı: 1200

Xarici mediada: Azerbaycanlı öğretmen uluslararası festivalde üstat dersi verdi

Almaz Həsrət

AKÜ, 22 Ağustos 2017 /Kabar/. Rusya Federasyonu Tataristan Cumhuriyeti Kazan Devlet Üniversitesi Alabuğa Enstitüsü`nde yapılmış 8. Uluslararası Öğretmenler Festivali`nde Azerbaycan`ı Eğitim Bakanlığı`na bağlı Eğitim Enstitüsü uluslararası işbirliği şube müdiri, Emekdar Öğretmen Almaz Hasret temsil etmiştir.

GB News muhabirinin dindiği bilgiye göre, Festival`e Rusya`nın yanısıra ABD, Almanya, Türkiye, Avusturya, İrlanda, Beyaz Rusya, İsrail de aralarında olmakla 30 kadar ülkeden beş yüz civarında öğretmen katılmıştır. Ardı »Oxunma sayı: 1048

Dərsliklər barədə

Almaz Həsrət

Azərbaycanda tədris olunan bu dərsliklərdə biabırçı səhvlər aşkarlanıb – MÜƏLLİMLƏR ÜSYANDA, NAZİRLİK SUSUR.
2017-2018-ci tədris ilinin başlamasına bir neçə gün qalıb. Ancaq məktəbli dərsliklərindəki problemlərlə bağlı iddialar bitmir.

Bir qrup müəllim yeni tədris ilinə hazırlanan biologiya dərsliklərində çoxlu sayda səhv olduğundan şikayət edirlər.

Əməkdar müəllim Almaz Həsrət Lent.az-a bildirib ki, kurrikulumun tətbiqinə başladıqdan sonra hazırlanan dərsliklərdə çoxlu sayda qüsur aşkarlayıblar: “Artıq neçə ildir ki, biologiya dərsliklərində elmi, şəkil, redaktə və s. kimi səhvlər ortaya çıxarırıq. Ardı »Oxunma sayı: 1144

Şərq qəzetinə açıqlamam

Almaz Həsrət

ONLAR ƏZBƏRÇİ OLMADIQLARI ÜÇÜN SUALLARI CAVABLANDIRA BİLMƏYİBLƏR.
“İnandırım sizi ki, 0-100 bal arası nəticə yığan uşaqlarla söhbət aparılsa, onların içərisində səlist nitqə, geniş dünyagörüşünə sahib olan o qədər abituriyent tapmaq olar ki”

Dövlət İmtahan Mərkəzinin Direktorlar Şurasının sədri Məleykə Abbaszadə bu il 0-100 bal arası nəticə göstərən abituriyentlərin sayında xeyli artım müşahidə olunduğunu deyib. Onun sözlərinə görə, ötən il 0-100 bal arası nəticə göstərənlərin sayı 11 030, bu il isə 11 999 nəfər olub. Ardı »Oxunma sayı: 1057

Qənirə Paşayeva Təhsil nazirliyinə əsəbləşdi: ” Dəhşətə bax! Onlara deməyə söz tapmıram…”

Qənirə Paşayeva

“Təhsil Nazirliyi mütəxəssislərin dərsliklərlə bağlı qaldırdığı ciddi problemə çox həssas və təcili münasibət göstərməlidir”.

Bunu millət vəkili Qənirə Paşayeva dərsliklərlə bağlı müəllimlərin açıqlamalarına münasibət bildirərkən deyib.
Q.Paşayeva bildirib ki, çoxlu səhvlər aşkarlanan dərsliklər yenidən hazırlanmalı, həmin dərslikləri hazırlayanlar və ona nəzarət edib düzəlməsinə cavabdeh şəxslər tamamilə prosesdən uzaqlaşdırılmalıdır: “Bu məsələ çox narahat edici və ciddi bir məsələdir. Əgər bir dərslikdə şagird səhv tutursa, bu, çox üzücü haldır. Ən narahat edən məsələ isə əməkdar müəllim Almaz Həsrətin vurğuladığı yanaşmadır. Ardı »Oxunma sayı: 1085

Azərbaycan Respublikasının Birinci vitse-prezidenti xanım Mehriban Əliyevaya AÇIQ MƏKTUB

Almaz Həsrət

Hörmətli Mehriban xanım,
Biz, orta məktəblərin 10-cu sinifləri üçün dərslik komplektinin müəllifləri təəssüf hissi ilə Sizə təkrar müraciət etmək məcburiyyətində qalmışıq. Belə ki, 03 iyun 2017-ci il tarixində Şəxsinizə ünvanladığımız müraciətdə guya alternativ əsaslarla təşkil olunmuş satınalma nəticəsində qalib elan edilmiş dərslik komplektinin çoxsaylı elmi səhvlərlə zəngin olduğunu, bununla bağlı Təhsil Nazirliyinə ünvanlanan müraciətlərimizə başdansovdu cavab verildiyini və gərəkli tədbirlər görülməzsə yetişməkdə olan nəslə yanlış savad verilə biləcəyini qeyd etmişdik. Ardı »Oxunma sayı: 1304

Əməkdar müəllim beynəlxalq festivalda ustad dərsləri keçib

Almaz Həsrət

Rusiya Federasiyasının Tatarıstan Respublikası Kazan Dövlət Universitetinin Alabuğa İnstitutunda keçirilən 8-ci beynəlxalq müəllimlər festivalında Azərbaycanı Təhsil İnstitutunun beynəlxalq əməkdaşlıq şöbəsinin müdiri, əməkdar müəllim Almaz Həsrət təmsil edib.

AZƏRTAC xəbər verir ki, festivala Rusiya ilə bərabər, ABŞ, Almaniya, Türkiyə, Avstriya, İrlandiya, Belarus, İsrail də daxil olmaqla 30-a yaxın ölkədən beş yüzədək iştirakçı qatılıb. Tədbirdə Almaz Həsrət iştirakçı müəllimlərə tədrisdə yeni texnologiyaların tətbiqi ilə bağlı iki ustad dərsi keçib. Ardı »Oxunma sayı: 1044

Международный фестиваль школьных учителей

Almaz Həsrət

Фестиваль школьных учителей – международная площадка по обмену опытом эффективной организации образования. В работе фестиваля в различные годы принимали участие специалисты из США, Германии, Израиля, Сингапура, Голландии Венгрии, Польши, Болгарии и других стран.

Особую роль в проведении фестиваля играют школьные учителя из России и зарубежья, имеющие серьезные достижения в своей профессиональной деятельности. Ardı »Oxunma sayı: 1051

Sputnuk.az-a açıqlamam

Almaz Həsrət

Təhsil sistemində böyük fırıldaq: gizlinlər aşkara çıxır.
“Bu il Azərbaycanda müəllimlərin işə qəbulu qaydalarına edilən dəyişikliklərdən biri də müəllimlərin daxili yerdəyişmələrinin Təhsil Nazirliyi tərəfindən həyata keçirilməsidir. Əvvəlki illərdə bu səlahiyyət yerli təhsil şöbələrində idi”.  Azərbaycan təhsilinə ayrılmış külli miqdarda vəsait ünvana çatmadı Bunu jurnalistlərə açıqlamasında Təhsil Nazirliyinin (TN) İnsan resursları şöbəsinin müdir əvəzi Eşqi Bağırov deyib. O bildirib ki, bu il proqram təminatı yenidən təmin ediləcək: “Bəzi yerlərdə vakant müəllim yerlərinin gizlədilməsi belə bir zərurət yaradıb. 2015-2016-cı illərdə rayonlarda aparılan yoxlamalar nəticəsində daxili yerdəyişmələrdə bəzi ciddi nöqsanlar aşkarlanıb. Diaqnostik qiymətləndirmə zamanı müəllimlərin sənədləri araşdırılarkən bu faktlar üzə çıxıb. Ardı »Oxunma sayı: 1767

Almaz Həsrət TV-də
Biologiya müəllimlərinin I qurultayı
Biologiya fənn saytı
Əməkdar müəllim
Ən yaxşı müəllim
Dərslik müəllifi
Çevir
Banner
Arı bal toplayır
Sayğac

free counters