AlmazHasret.com

Hər il istedadlı şagirdləri aşkara çıxartmaq məqsədilə fənn olimpiadaları təşkil olunur. Respublika fənn olimpiadasına hazırlıq məqsədilə 3 mərhələdən ibarət yarışmada məktəblilər iştirak ediblər. Bakı məktəb və şəhər mərhələlərini artıq geridə qoyub. Yanvar ayının 10-da keçirilən Bilik yarışının şəhər turunun II mərhələsində 1068 şagird iştirak edib. İştirakçı şagirdlər arasında yalnız BŞTİ-nin deyil, Təhsil Nazirliyinin tabeçiliyində olan özəl məktəb və liseylərin şagirdləri də vardı. Fənn olimpiadasının həmin turundan 200-ə yaxın şagird yüksək nəticələr əldə edərək növbəti tura vəsiqə qazanıb. Qeyd edək ki, şagirdlər məktəblilərin fənn olimpiadasının respublika turunda yeddi fənn üzrə yarışacaqlar. Həmin fənnlər Azərbaycan dili və ədəbiyyat, Azərbaycan tarixi, riyaziyyat, fizika, kimya, biologiya və informatikadır.

Bilik yarışının respublika turu mart ayının ortalarında keçiriləcək.

Qaynaq: bakuedu.az